57. Fjórðungsþing Vestfirðinga, haldið á Bíldudal þann 4. og 5. október 2012 skorar á Alþingi að fara að tillögum varðandi jöfnun húshitunarkostnaðar sem starfshópur á vegum iðnaðarráðuneytisins hefur skilað í „Skýrslu starfshóps um breytingar á niðurgreiðslum til húshitunar (des 2011)" og tekur Fjórðungsþing Vestfirðinga eindregið undir þær tillögur sem þar eru settar fram.

Í skýrslunni leggur starfshópurinn til að jöfnunargjald verði lagt á um  áramót 2012/2013 samhliða endurskoðun á orkuskatti sem í dag er 0,12 kr/kWst. Í lögum um umhverfis- og auðlindaskatta segir að lög um orkuskatta falli úr gildi 31. desember 2012 (Lög nr. 129 23. desember 2009).  Starfshópurinn leggur til að í stað orkuskatts yrði lægra jöfnunargjald lagt á í staðin eða 10 aurar á hverja framleidda kílówattstund, 0,10 kr/kWst. Ályktanir á 57. Fjórðungsþingi Vestfirðinga má sjá hér.