Íslandspóstur hefur rekstrarleyfi út árið 2012.

Póst- og fjarskiptastofnun hefur með bréfi til Íslandspósts framlengt gildistíma rekstrarleyfis fyrirtækisins til 31. desember 2012. Ástæða þess er sú að íslensk stjórnvöld hafa sótt um undanþágu á innleiðingu tilskipunar nr. 2008/6/EC til EFTA, en tilskipunin kveður m.a. á um afnám einkaréttar í póstþjónustu. Ætlun stjórnvalda er að innleiðing tilskipunarinnar  í íslenska löggjöf á sviði póstþjónustu verði lokið fyrir lok ársins 2012.
Segir í fréttatilkynningu frá PFS.