Bylur er í Árneshreppi á Ströndum.

Rafmagnslaust varð um alla Vestfirði rétt fyrir klukkan ellefu í kvöld, þegar lína Landsnets milli Glerárskóga og Mjólkárvirkjunar sló út. Rafmagn komst aftur á tíu til fimmtán mínútum síðar. Talið er að ísing eða samsláttartruflanir hafi orðið á línu og henni slegið út í stutta stund, en mjög hvasst er nú á þeim slóðum þar sem línan liggur. Afar slæmt veður og stórhríð er víða á vestur og norðurhluta landsins. Stórhríð er orðin í Árneshreppi á Ströndum. Meðan að þessi frétt var skrifuð fór rafmagn af í um 3.mínútur aftur,þannig að rafmagnstruflanir eru byrjaðar á Ströndum.