Viðgerðarflokkur frá Orkubúi Vestfjarða á Hólmavík fóru á snjósleðum norður í Árneshrepp fyrir hádegi í dag til að gera við línuna þangað. Fyrstu bilun fundu þeir fyrir norðan Bólstað í Steingrímsfirði þar sem línan fer upp á Trékyllisheiðina síðan var brunninn einn staur á Trékyllisheiðinni. Síðan urðu viðgerðarmenn að hreinsa seltu af öllum spennum heim við bæi norður í hreppnum vegna sjóseltu á þeim þá tókst að koma rafmagninu á um kl.19:30 í kvöld. Rafmagnslaust er búið að vera í Árneshreppi í rúmlega þrjá og hálfan sólarhring. Nú verður sjálfsagt skotið upp flugeldum víða í hreppnum í kvöld bæði til að fagna nýju ári og því að rafmagnið er komið. Ekki viðraði til að skjóta upp í gærkvöldi.

Meðan rafmagnslaust var í Árneshreppi hefur verið keyrt með dísilvél frá Litlu-Ávík inn á fjarskiptstöð Símans í Reykjaneshyrnu,enda voru fjarskipti í ágætulagi í hreppnum í rafmagnsleysinu,net og GSM símar inni og heimilissímar,enda var mikið álag þarna á kerfinu á meðan á rafmagnleysinu stóð. Fólk sjálfsagt að láta vita af sér og aðrir að heyra í sínu fólki í hreppnum og fá fréttir af því í rafmagnsleysinu.