Orkubú Vestfjarða á Hólmavík varð að taka rafmagn af þrem bæjum sem eru í byggð hér í Árneshreppi í dag um fjögur leitið frá Finnbogastöðum og á Gjögursvæðið,þeir bæjir sem urðu rafmagnlausir auk Finnbogastaða voru Litla-Ávík og Kjörvogur sem búið er á, á Gjögri er engin búseta á þessum árstíma. Rafmagnsbilunin var í varhöldum við öryggi og logaði þar á milli,í staur við Finnbogastaðavatn. Rafmagntruflanirnar lýstu sér þannig að ljós titruðu og einnig hafði þetta talsverðar truflanir á talsíma og var mikið suð ef verið var að tala í síma á þessu svæði. Orkubúið fékk heimamenn til að gera við,og var rafmagn komið á aftur um 18:15 í kvöld.