Vindaspá kl. 12:00 á morgun. Kort VÍ.

Veðurspáin er slæm fyrir Strandir og Norðurland vestra og yfirleitt á landinu. Fólk ætti að hafa varann á og ganga vel frá öllu lauslegu fyrir morgundaginn. Samgöngur munu raskast bæði á vegum og í lofti. Fólk ætti líka að athuga það að rafmagn gæti farið af. Einnig mun sjór ganga hátt á land á morgun, getur farið í stórsjó eða hafrót eftir að hann nær sér upp. Hér er svo spáin fyrir Strandir og Norðurland vestra frá Veðurstofu Íslands, í dag og á morgun:

Austan 10-15 m/s og snjókoma með köflum. Hægari og úrkomulítið seint í kvöld. Gengur í norðaustan storm með snjókomu seint í nótt. Norðan rok eða ofsaveður síðdegis á morgun, 23-33 m/s, og talsverð eða mikil snjókoma. Frost 0 til 5 stig.