« 1 af 2 »

Alltaf er Kristján Andri Guðjónsson útgerðarmaður frá Ísafirði jafn hugulsamur um Árneshrepp. Nú rétt fyrir nýliðin jól kom hann færandi hendi og setti jólatré á stéttina við Kaffi Norðurfjörð og setur þetta skemmtilegan svip þar sem fólk keyrir að Kaupfélaginu. Hver man ekki eftir því þegar hann gaf hljóðkerfi í félagsheimili hreppsbúa. Kristján Andri á sumarhús í Norðurfirðinum í Steinstúnslandi rétt við svonefnt Síki, einnig gerir Kristján mikið út frá Norðurfirði. Það eru margir hreppsbúar sem hafa haft á orði hvað tréið setur mikinn svip á kaupfélagsplanið. Frétt um hljóðkerfið 2013.