Fleiri fréttir

Jón G. Guðjónsson | fimmtudagurinn 20. nóvember 2008 Prenta

Síðari úthlutun Menningarráðs Vestfjarða verður á morgun.

Síðari úthlutun Menningarráðs Vestfjarða á árinu 2008 verður í Sjóræningjahúsinu á Patreksfirði nú á föstudaginn 21. nóvember og hefst athöfnin kl. 16:00. Verða þar afhent vilyrði um styrki frá Menningarráði Vestfjarða, en alls eru veittir styrkir til 52 verkefna að þessu sinni. Eru einstakir verkefnastyrkir á bilinu 50 þúsund til 1 milljón, samtals að upphæð 17,4 milljónir. Styrkirnir fara til fjölbreyttra verkefna sem sýna glöggt þann kraft, frumkvæði og nýsköpun sem einkennir vestfirskt menningarlíf. Verkefni sem tengjast útgáfu og miðlun eru áberandi í hópi þeirra verkefna sem styrkt eru að þessu sinni, en sérstök áhersla var lögð á þennan þátt menningarstarfsins við úthlutun að þessu sinni. 

Athöfnin í Sjóræningjahúsinu á Patreksfirði á föstudag er opin öllum sem áhuga hafa og sveitarstjórnarmenn og þeir sem standa í eldlínunni í menningarstarfi á Vestfjörðum eru sérstaklega boðnir velkomnir. Á dagskrá eru erindi, afhending styrkja og sýnishorn af öflugu vestfirsku menningarlífi. Í lokin á þessari formlegu athöfn verður boðið upp á léttar
veitingar í Sjóræningjahúsinu.

Heildarlisti um styrkt verkefni verður birtur á vef Menniningarráðsins á föstudag og sendur fjölmiðlum. Menningarráð Vestfjarða mun næst auglýsa eftir umsóknum til verkefna á menningarsviðinu snemma á nýju ári.

Athugasemdir

Atburðir

« 2021 »
« Maí »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Úr myndasafni

  • Smábátahöfnin Norðurfirði-06-07-2004.
  • Ágúst Guðjónsson sér um blöndunina..06-09-08.
  • Krossnes-20-10-2001.
  • Þórólfur Guðfinnsson.
Vefumsjón