Nú er 3G kerfið allsráðandi í Árneshreppi.

Samkvæmt tilkynningu frá Símanum,vill Síminn vekja athygli á því að nú næstkomandi föstudag 31. janúar mun Síminn leggja niður gagnaflutning um svonefnda d-rás á ISDN samböndum. Síminn leggur niður d-rásina þar sem þjónustuaðilar hafa hætt stuðningi við vöruna og ekki er mögulegt að viðhalda því öryggi sem Síminn krefst. D-rásin er lághraða gagnaflutningsleið. Helstu notkunarmöguleikar hennar voru,tenging við Internetið og tenging fyrir greiðsluposa hjá fyrirtækjum. Jafnframt hefur hún verið nýtt í samskiptum við ýmiss konar mælibúnað.

Víð í Árneshreppi og víðar í dreifbýli þekkjum þessa tengingu vel því hér var til skamms tíma notuð svonefnd ISDN + fyrir nettengingar  til að komast á netið. En nú er notað 3G kerfið. Síminn vill taka fram að hægt er að nota ISDN heimilissíma áfram ef fólk vill.