Ótakmarkað gagnamagn á meðan á samkomubanni stendur hjá Símanum.

Fréttatilkynning frá Símanum.

Við viljum leggja okkar af mörkum til þess að létta undir á þessum óvissutímum og því ætlum við að veita viðskiptavinum ótakmarkað gagnamagn á meðan á samkomubanni stendur. Þetta á við um Internettengingar heimila, farsímaáskriftir, Krakkakort og Þrennu.

Það er fordæmalaust ástand í þjóðfélaginu og í heiminum öllum. Fjarskipti eru nauðsynleg í slíku ástandi, þau stytta vegalengdir og hjálpa okkur að halda uppi samskiptum okkar á milli. Við hjá Símanum viljum að viðskiptavinir okkar hugsi frekar um eigin hag og heilsu, ættingja sína og vini frekar en innifalið gagnamagn og reikninga.

Við viljum benda á að best er að nýta netspjall á síminn.is eða sjálfsafgreiðslu í gegnum Símaappið og Þjónustuvef þar sem lágmarksmönnun er í verslunum okkar þessa stundina.