Á laugardaginn 7. júlí var afhjúpað skilti um atvinnusögu Eyrar í Ingólfsfirði. Dagskráin byrjaði á því að Guðrún Anna Gunnarsdóttir fór yfir atvinnusögu Eyrar í stórum dráttum í,síðan var skiltið afhjúpað. Að því loknu var öllum boðið í kaffi og meðlæti í Ólafsbragga. Þetta er tilvalið fyrir ferðafólk og aðra að sjá atvinnusögu Eyrar í myndum með texta,og geta áttað sig á hvar hús voru staðsett sem nú eru horfin af svæðinu,og einnig að sjá hvað núverandi hús heita og hvaða hlutverki þau gegndu. Margt var um manninn við afhjúpun skiltisins á laugardaginn jafnt Árneshreppsbúar sem og aðrir,og heyra mátti á fólki að þetta þætti mjög gott framtak af Eyrarfólkinu. Um kvöldið var ættarmót Eyrarfólksins,afkomenda Guðjóns Guðmundssonar hreppsstjóra og Guðjónu Sigríðar Halldórsdóttur.