Snjókoma og hvassviðri í dag.
Nú er slæmt veður á Ströndum,hvassviðri með talsverðri snjókomu og veður fer hratt kólnandi eftir því sem líður á vikuna. Flugi hefur verið aflýst til Gjögurs í dag,en athugað verður með flug þangað á morgun,og er þá mun betri veðurspá fyrir þetta svæði hér,og enn betra á laugadaginn þegar tilstendur að halda þorrablótið hér í Árneshreppi,enn á sunnudag á veður að versna mikið með hvassviðri eða stormi. Annars er veðurspáin hér frá Veðurstofu Íslands:
Strandir og Norðurland vestra í dag: Norðaustan 13-20 m/s og snjókoma, hvassast á annesjum, en norðan 13-18 síðdegis. Frost 0 til 5 stig. Norðan 8-13 og él á morgun. Frost 5 til 10 stig. Veðurhorfur á landinu næstu daga: Á laugardag: Norðlæg eða breytileg átt, 3-10 m/s og víða bjartviðri, en él úti við N- og A- ströndina. Vaxandi austanátt með éljum SV- til um kvöldið. Frost 2 til 14 stig, mest í innsveitum NA- til. Á sunnudag: Gengur í austan- og norðaustan 18-23 m/s með snjókomu eða éljagangi. Talsvert frost.
