Fleiri fréttir

Jón G. Guðjónsson | fimmtudagurinn 17. febrúar 2011 Prenta

Stefnt að handavinnusýningu eftir Pálínu frá Finnbogastöðum.

Pálína Jenný Þórólfsdóttir.
Pálína Jenný Þórólfsdóttir.
Nokkrar konur hafa tekið sig saman um að halda sýningu í sumar á handavinnu frú Pálínu Jennýjar Þórólfsdóttur frá Finnbogastöðum hér í sveit.

Hugmundina átti sú ötula kona Jóna Ingibjörg Bjarnadóttir og fékk síðan til liðs við sig dóttur Pálínu Guðbjörgu Þorsteinsdóttur í Bæ og Evu Sigurbjörnsdóttur í Djúpavík,þar sem hugmyndin er að sýningin verði haldin í sumar.

Tilefni að sýningunni er að Pálína varð níræð á árinu og er mikil hagleikskona og kenndi við Finnbogataðaskóla nemendum þar til fjölda ára.

Pálína er fædd í Litlu-Ávík 17 febrúar árið 1921 er því níræð í dag.Móðir hennar Jóhanna Guðbjörg Jónsdóttir fædd 2 mars 1899 dáin 5.október 1928,var því aðeins 29 ára að aldri þegar hún lést frá sex ungum börnum sínum.Pálína var því aðeins sjö ára þegar móðir hennar féll frá,og var börnum á þeim tímum komið fyrir á ýmsum bæjum í sveitinni.Pálínu var komið fyrir á Finnbogastöðum þar sem endaði með því að hún giftist Þorsteini Guðmundsyni bóndasyni þar og síðan bjuggu þau þar og tóku við búinu,þau eignuðust tvö börn Guðmund sem býr á Finnbogastöðum og Guðbjörgu sem býr í Bæ.Faðir Pálínu var Þórólfur Jónsson fæddur 11 september 1890 og lést 21 apríl 1964.

Pálína Jenný býr nú á Akureyri á dvalarheimilinu Hlíð þar í bæ.

Nú er farið þess á leit við fyrrum nemendur Pálínu við Finnbogastaðaskóla bæði stelpur og stráka að lána handverk á hina fyrirhuguðu sýningu í vor.

Þeir sem vilja lána handvinnu eða handverk eru beðnir að hafa samband við eftirfarandi konur:

Jónu Ingibjörgu Bjarnadóttur í símum. 555 4256-691 1403.

Evu Sigurbjörnsdóttur í símum. 451 4037-847 2819.

Guðbjörgu Þorsteinsdóttur í síma. 451 4012.

Athugasemdir

Atburðir

« 2020 »
« Maí »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Borgarísjaki V við Reykjaneshyrnu 26-08-2018.
  • Bryggjan á Gjögri.
  • Hilmar Hjartarson pípari við vinnu í aðalbaðherbergi.02-05-2009.
Vefumsjón