Bíll frá Strandafrakt.Myndasafn.

Í dag kom bíll frá Strandafrakt að sækja seinni ferðina til bænda af ull. Fyrri ferðin var farin 26.,nóvember. Eitthvað af fóðurbætti kom með bílnum og eitthvað af vörum sem legið hefur á Hólmavík. Að venju fer ullin í Ullarþvottstöð Ístex á Blönduósi. Strandafrakt sér um að sækja ull víðar í sýslunni til bænda og flytja á Blönduós. Samkvæmt vef Vegagerðarinnar er talsverð hálka eða hálkublettir nú á vegum frá Hólmavík til Norðurfjarðar. Þetta er síðasta ferð Strandafraktar norður þar til í vor að áætlunarferðir byrja á ný.