Fleiri fréttir

Jón G. Guðjónsson | fimmtudagurinn 9. apríl 2015 Prenta

Svavar Knútur á Mölinni.

Svavar Knútur í Djúpavík.
Svavar Knútur í Djúpavík.

Laugardagskvöldið 11. apríl rúllar tónleikaröðin Mölin á Drangsnesi enn af stað. Nú eftir hlé síðan í janúar og verður að þessu sinni gerð önnur tilraun til að koma Svavari Knúti á Drangsnes. Veðurguðirnir eru farnir að hegða sér ögn skikkanlegar en í desember en við krossleggjum engu að síður fingur og vonum að allt gangi upp í þetta skiptið.
Flateyringinn Svavar Knút þarf varla að kynna fyrir fólki. Hann hefur á undanförnum árum unnið sér fastan sess í hjörtum landsmanna með einlægri og glaðhlakkalegri framkomu, einstakri söngrödd og vel smíðaðri tónlist. Svavar Knútur hefur vanið komur sínar á Strandir um nokkurt skeið og m.a. haldið tónleika á Hólmavík og í Djúpavík en heldur á laugardaginn sína fyrstu tónleika á Drangsnesi.

Tónleikarnir fara að venju fram á Malarkaffi og hefjast kl.21:30. Húsið opnar hálftíma fyrr og verður barinn opinn áfram að tónleikum loknum.


Miðaverð er 2000 kr.

Tónleikaröðin Mölin hóf göngu sína haustið 2012. Tónleikar Svavars Knúts eru fjórtándu tónleikarnir í röðinni. Nánari upplýsingar veitir Björn Kristjánsson í S:8645854.

Athugasemdir

Atburðir

« 2023 »
« Júní »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Úr myndasafni

  • Flatur ísjaki frekar lár sést frá Litlu-Ávík, er um það bil 5 til 6 Km austur af Sæluskeri Og um 20 Km frá landi. 13-06-2018.
  • Úr Sætrakleyf eftir mokstur.Kristján á ýtunni varð að byrja uppá klettabeltinu til að byrja að moka þar niðrá veg.07-04-2009.
  • Grænhóll við Gjögur-05-07-2004.
  • Tekið á móti plötum á þaki 11-11-08.
Vefumsjón