Ávíkurnar-Trékyllisvík-Norðurfjörður. Myndin tekin ofan að Reykjaneshyrnu.

Árið 2016 var sérlega hlítt hér á landi. Við Breiðafjörð og á Vestfjörðum var það hlýjasta ár frá því að mælingar hófust og í hópi þeirra hlýjustu í öðrum landshlutum. Hiti fyrstu tvo mánuðina var þó nærri meðallagi en haustið sérlega hlítt. Vindar voru með hægara móti. Fremur þurrt var um tíma, frá því síðla vetrar og fram á sumar, en haustið ónvenjuúrkomusamt, sérstaklega um landið sunnanvert.

Veðurstofa Íslands er nú búin að taka saman meðalhita og meðalúrkomu á landinu. Meðalhitinn á veðurstöðinni í Litlu-Ávík var tildæmis 4,8 stig fyrir árið 2016. Og heildarúrkoman þar var 943,3 mm. Sjá nánar um frávik og fleira á vef Veðurstofu Íslands.