19 sæta vél Ernis kom með vörur í dag og tók farþega suður. Myndasafn.

Eins og fram kom hér á vefnum var ekki hægt að fljúga til Gjögurs í gær vegna snjókomu, en í dag var flogið fyrir hádegið. Þetta var síðasta ferðin sem vörur koma í útibú Kaupfélags Steingrímsfjarðar á Norðurfirði með flugi, en eftir mánaðarmótin tekur Strandafrakt við á flutningabíl. Í næsta mánuði verður aðeins flogið einu sinni í viku, það á mánudögum eins og síðustu sumur.