Flugvél Ernis á Gjögri.

Það tókst að fljúga á Gjögur í dag, en í fyrra dag aflýsti Flugfélagið Ernir öllu flugi á alla áfangastaði sína vegna veðurs á landinu. Síðan átti að fljúga í gær á Gjögur, enn flugbrautin var hál og þurfti að sandbera og gekk það ílla og gekk það ekki upp í gær. Síðast var flogið á Gjögur á þriðjudaginn 24.nóvember eða fyrir viku síðan, því ekki tókst að fljúga heldur á föstudaginn 27. nóvember. Því er rúmlega vika síðan að var flogið til Gjögurs. Vörur komu með vélinni í útibú kaupfélagsins á Norðurfirði einnig póstur.