Vindaspá kl 18:00 í dag. Kort VÍ.

Enn spáir hvassviðri eða stormi á landinu. Hér á Ströndum náði vindur sér ekkert á strik úr þessum tveim síðustu lægðum enda var vindur þá mjög austlægur. Ef vindur verður suðlægari í dag og á morgun, gæti orðið hvassviðri eða stormur hér um slóðir. Snjó hefur tekið talsvert upp síðustu þrjá daga. En veðurspáin frá Veðurstofu Íslands er þessi fyrir Strandir og Norðurland vestra: Gul viðvörun er fyrir þetta spásvæði. Suðaustan 5-10 og þurrt, hiti nálægt frostmarki. Hvessir síðdegis, 18-23 m/s og rigning eða slydda í kvöld. Sunnan 8-13 í fyrramálið, en 13-20 seint á morgun. Hiti 1 til 6 stig.