Verslunarmannahelgin í Árneshreppi 2017.
Nóg verður um að vera um verslunarmannahelgina í Árneshreppi að venju. Harmonikkuleikur- Mýrarbolti og dansleikur.
Á föstudagskvöldið 4. ágúst klukkan 21:00 mun Linda Guðmundsdóttir frá Finnbogastöðum leika á harmonikku á Kaffi Norðurfirði fram á kvöld.
Þá er það Mýrarboltamótið sem ungmannafélagið Leifur Heppni heldur á Melum laugardaginn 5. ágúst og hefst klukkan 13:00, þar sem ungir sem aldnir geta skellt sér í forina og haft gaman af. Ekki er vitað enn hvað mörg lið keppa, en skráning og nánari upplýsingar eru í síma 451-4015. Heitt kakó og kleinur verða til sölu þar á staðnum.
Á laugardagskvöldið 5. ágúst stendur ungmannafélagið Leifur Heppni ásamt Björgunarsveitinni Strandasól fyrir dansleik í félagsheimilinu í Trékyllisvík. Þar munu hinir vinsælu Blek og byttur leika fyrir dansi fram á rauða nótt. Húsið opnar klukkan 23:00.
