Tveir voru teknir fyrir of hraðan akstur í nágrenni Hólmavíkur.

Eitt umferðaróhapp var tilkynnt til lögreglu í liðinni viku í Bolungarvík og var það minniháttar. Fjórir ökumenn voru stöðvaðir fyrir of hraðan akstur í vikunni tveir í nágrenni Hólamavíkur og tveir við Ísafjörð.

Einn aðili á Ísafirði var grunaður um meðferð fíkniefna í vikunni. Þá var einn ökumaður stöðvaður vegna gruns um að aka undir áhrifum fíkniefna Þorrablót voru haldin víða í umdæminu um liðna helgi og fóru vel fram og án teljandi afskipta lögreglu.

Tilkynnt var til lögreglu um skemmdarverk á sumarbústað í Valþjófsdal í Önundarfirði, það mál er í rannsókn. Þá var tilkynnt til lögreglu um minniháttar skemmdarverk á tveim bílum á Ísafirði.

Lögregla vill koma því á framfæri ökumanna/umráðamanna að þeir hugi að því þegar farið er af stað á morgnana, að hreinsa vel af rúðum ökutækja sinna, þannig að snjór hindri ekki útsýni. Borið hefur á því að menn trassi þetta. Þetta kemur fram í dagbók lögreglunnar á Vestfjörðum.