Mynd Lögregluvefurinn.

Í s.l. viku urðu  4 umferðaróhöpp í umdæmi lögreglunnar  á Vestfjörðum. Mánudaginn 31 ágúst valt bíll á Hnífsdalsvegi, þar var ekki slys á fólki.  Þá var ekið á kyrrstæðan bíl á bifreiðastæði við Bónus, tjónvaldur lét sig hverfa af vettvangi.  2.sept og 6.sept urðu bílveltur í Arnarfirði nálægt Mjólkárvirkjun, ekki slys á fólki, en talsvert eignartjón. Þar voru erlendir ferðamenn á ferð.

Þá var talsvert um hraðakstur í umdæminu og voru fimm teknir fyrir of hraðann akstur í nágreni Ísafjarðar og sá sem hraðast ók, ók á 145 km/klst þar sem leyfilegur hámarkshraði er 90 km/klst.

Í vikunni hefur lögregla sinnt eftirliti við grunnskóla og leikskóla umdæmisins og fylgst með notkun öryggisbúnaðar, farþega og ökumann.  Þá er enn nokkuð um að sé ekið á búfé og nokkrar tilkynningar hafa komið til lögreglu vegna þess.