Bifreið valt á Drangsnesvegi í vikunni.

Tveir ökumenn voru kærðir fyrir of hraðan akstur í og við Ísafjörð í liðinni viku. Þriðjudaginn 16. júlí þar hafnaði bifreið  út fyrir veg og valt á Drangsnesvegi ,þar voru erlendir ferðamenn á ferð,ekki slys á fólki,en bifreiðin óökuhæf. Þá voru þrjú minniháttar umferðaróhöpp tilkynnt til lögreglu . Líkamsárás var kærð til lögreglu um liðna helgi á Patreksfirði og er málið í rannsókn. Skipstjóri handfærabáts var kærður í vikunni vegna gruns um ölvun við stjórn bátsins og naut lögregla aðstoðar Landhelgisgæslunnar vegna málsins. Tveir ökumenn voru stöðvaðir vegna gruns um akstur undir áhrifum ávana- og fíkniefna. Skemmtanahald í umdæminu um liðna helgi fór nokkuð vel fram og án teljandi afskipta lögreglu.