Tvö umferðaróhöpp voru tilkynnt til lögreglunnar á Vestfjörðum í liðinni viku.

Tvö  umferðaróhöpp voru tilkynnt til lögreglunnar á Vestfjörðum í liðinni viku. Um minniháttar óhöpp var að ræða og ekki slys á fólki.  Einn ökumaður ver stöðvaður fyrir of hraðan akstur innan bæjar á Ísafirði.

Mánudaginn 23. september,kom upp eldur í íbúðarhúsi við Stekkjargötu í Hnífsdal,enginn var heima þegar eldurinn kom upp. Nokkuð greiðlega gekk að ráða niðurlögum eldsins,sem var talsveður og talsverðar skemmdir urðu húsi og innanstokksmunum.

S.l., laugardag var haldin flugslysaæfing á Ísafjarðarflugvelli og tóku þátt í henni viðbragðsaðilar á norðan verðum Vestfjörðum. Æfingin gekk nokkuð vel fyrir sig og voru menn almennt ánægðir með ganginn í æfingunni.