Vikan hjá lögreglunni á Vestfjörðum 7.til 14.apríl 2014.
Fjögur umferðaróhöpp voru tilkynnt til lögreglu í liðinni viku. Laugardaginn 12. hafnaði mokstursbíll á vegum Vegagerðarinnar út fyrir veg á Djúpvegi 61 í Seiðisfirði Ísafjarðardjúpi, talsveðar skemmdir á bílnum, ökumaður fór á sjúkrahúsið á Ísafirði til skoðunar. Önnur umferðaróhöpp sem tilkynnt voru til lögreglu í vikunni voru minniháttar. Einn ökumaður var kærður fyrir of hraðan akstur í nágrenni Patreksfjarðar. Einn ökumaður var kærður vegna gruns um akstur undir áhrifum fíkniefna.
Aðfaranótt s.l. sunnudags voru unnin skemmdarverk á nokkrum stöðum á Ísafirði frá miðnætti og fram á morgun. Skemmdarverkin voru unnin viða í bænum, rúða var brotin í Landsbankahúsinu, rúðubrot við Tangagötu, Austurveg og Sundstræti, skemmdir á bílum við Smiðjugötu, Sundstræti, Skipagötu og Aðalstræti .
Þeir sem einhverjar upplýsingar geta gefið um þessi skemmdarverk góðfúslega hafið samband við lögregluna á Vestfjörðum, varðstöð Ísafirði í síma 450-3730.
Annars fór skemmtanahald nokkuð vel fram í umdæminu og án teljandi afskipta lögreglu.
