Fleiri fréttir

| mánudagurinn 9. mars 2009 Prenta

Viskunnar fugl í heimsókn

1 af 4
Brandugla er nú í heimsókn í Trékyllisvík, og hefur leitað skjóls frá norðanbálinu undir brúnni yfir Árnesá. Krummarnir líta ugluna hornauga, en þeim hefur ekki tekist að flæma hana í burtu.

Branduglur er mjög fágætar. Talið er að einungis 100 til 200 pör verpi árlega á Íslandi, einkum í Þingeyjarsýslum, Eyjafirði og Borgarfirði. Á Íslandsvefnum kemur fram að þær lifa aðallega á músum, en litlir vað- og spörfuglar mega líka passa sig. Vænghaf branduglunnar er í kringum metri, en þær eru aðeins 3-400 grömm á þyngd.

Uglur sjást annað veifið í Árneshreppi, en ekki er vitað til þess að þær hafi gert sér heimili hér í sveit.

Branduglan er alfriðuð, en hrafnarnir í Trékyllisvík taka lítið mark á slíkum tilskipunum, enda uglan skæður keppinautur í músaveiðum. Það má því gera ráð fyrir því að þessi sviflétti viskunnar fugl kveðji þegar storma lægir.

Athugasemdir

Atburðir

« 2021 »
« Október »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Borgarísjaki sést frá Litlu-Ávík. 26-09-2017.
  • Byrjað að safna saman flotunum út af Lambanesi.
  • Melar-Reykjaneshyrna.13-08-2008.
  • Séð að Felli 15-03-2005.
  • Helga og Hilmar.Helga var veislusjóri fyrir í afmæli ömmu sinnar,og Hilmar sá um músikina.
  • Reykjaneshyrna 10-03-2008.
Vefumsjón