Björgunarsveitin Strönd á Skagaströnd var kölluð út um tvöleytið í dag vegna 200 t netabáts sem er vélarvana um 18 sjómílur vestan Skagastrandar, eða rétt við Gjögur á Ströndum. Er báturinn með veiðarfæri í skrúfunni. Um 6-8 manns eru um borð.  Björgunarskipið Húnabjörg er rétt að koma að hinum vélarvana báti en ekki er talin vera mikil hætta á ferðum. Veður á svæðinu er þó ekki gott, 12-15 m/sek af NNA,eða kaldaskítur sé vitnað í orð heimamanna.
Húnabjörgin mun væntalega draga netabátinn til hafnar á Skagaströnd. Búist er við að verkið taki um fjórar klukkustundir.