Kór Átthagafélags Strandamanna heldur aðventuhátíð með líku sniði og undanfarin ár. Nú verður hátíðin í Bústaðakirkju og verður hátíðin sunnudaginn 16. desember og hefst klukkan  16:30. Á hátíðinni mun Lenka Mátéová stjórna kórnum. Stefán Sigurjónsson syngur einsöng, Peter Máté leikur á píanó og Vigfús Albertsson flytur hugvekju. Að venju mun sérstakur barnakór sem stofnaður er í tilefni aðventuhátíðarinnar syngja nokkur jólalög en stjórnandi hans er Unnur Hjálmarsdóttir. Í lok hátíðarinnar er gestum boðið í kaffihlaðborð sem kórfélagar sjá um. Til að forðast biðröð sem getur myndast við innganginn þá er einnig hægt að kaupa miða hjá kórfélögum í vikunni áður. Miðaverð er 3.000 kr. fyrir fullorðna.