Fleiri fréttir

Jón G. Guðjónsson | föstudagurinn 10. desember 2010 Prenta

Áhersla á almenningssamgöngur.

FV gerði ályktun um að auka styrk til áætlunarflugs.Mynd:Gjögurflugvöllur.
FV gerði ályktun um að auka styrk til áætlunarflugs.Mynd:Gjögurflugvöllur.
Á fundi stjórnar Fjórðungssambands Vestfirðinga sem haldinn var þann 6. desember s.l. voru samþykktar eftirfarandi ályktanir. 

Almenningssamgöngur:

Framlög aukin til áætlunarflugs á Bíldudal og Gjögur.

Stjórn Fjórðungssambands Vestfirðinga ítrekar mikilvægi þess að framlag til stuðnings áætlunarflugs til Bíldudals og Gjögurs verði aukið enda lykilþáttur í almenningssamgöngum á þessum svæðum. 

Póstdreifing á Vestfjörðum:

Stjórn Fjórðungssambands Vestfirðinga mótmælir harðlega þeirri skerðingu á þjónustu sem útverðir byggðar í landinu hafa orðið fyrir, m.a. nú nýlega í tengslum við póstdreifingu.  Nauðsynlegt er fyrir búsetu og uppbyggingu atvinnulífs að þjónusta sé jöfn fyrir alla landsmenn.

 

Tenging norður og suðursvæðis Vestfjarða grundvöllur aukinnar samvinnu sveitarfélaga:

Stórt skref verður stigið á komandi áramótum í eflingu samstarfs sveitarfélaga á Vestfjörðum með stofnun byggðasamlags um málefni fatlaðra. Af því tilefni vill stjórn Fjórðungssambands Vestfirðinga ítreka fyrri samþykktir um mikilvægi heilsárs samgagna á milli norður og suðursvæðis Vestfjarða.

 

Húshitun,upptaka orkuskatts til jöfnunar búsetuskilyrða á Íslandi:

Stjórn Fjórðungssambands Vestfirðinga, tekur undir ályktun samtaka sveitarfélaga á köldum svæðum um að fundin verði varanlegan lausn á jöfnun á húshitunarkostnaðar á meðal landsmanna.  Stjórn Fjórðungssambands Vestfirðinga beinir þeirri tillögu til stjórnvalda að tekinn verði upp skattur á orkuframleiðslu sem nýttur verði til stofnunar orkujöfnunarsjóðs, sem hefði það hlutverk að jafna raforkukostnað til húshitunar að fullu.  Stjórnin bendir á að samkvæmt upplýsingum Orkuseturs hjá Orkustofnun hefði 10 aurar skattur á hverja framleidda kílóvattsstund gefið um 1,7 milljarða á síðasta ári.

 

Athugasemdir

Atburðir

« 2021 »
« Apríl »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Úr myndasafni

  • Báturinn Agnes fer ekki lengra inn og sleppir flotanum.
  • Íshrafl í Ávíkinni 28-12-2001.
  • Munaðarnes-Drangaskörð í baksýn-2003.
  • Helga veislustjóri og barnabarn Maddýar tekur lagið við undirleik Hilmars.
  • Gengið forna götu yfir í Húsárdal.
Vefumsjón