Frá Norðurfirði á góðum degi.

Á Víganesi splundraðist gömul hlaða sem stóð hlémegin við gömul fjárhús,þessi hús voru ekki í notkun.

Við Nátthaga við Víganes hjá Jóni Eiríkssyni fauk pallhús sem var bundið niður og geymt meðan það var ekki í notkun á bílnum,það hvarf útí buskann.

Á Grænhól fauk járn af hlöðu eða gömlum fjárhúsum,þessi hús voru ekki heldur í notkun.

Á Gjögri fauk geymsluskúr sem stóð fyrir ofan Gjögurbryggju og splundraðist og eitthvað fleira fauk.

Á Norðurfirði fauk ýmislegt,rúða brotnaði í bíl og einnig rúða í íbúðarhúsi og einnig ruslagámar fóru á ferð og kör og ýmislegt.

Þetta var ekkert venjulegt veður í þessu Suðvestan ofsaveður með kviðum yfir 50 m/s.

Vefurinn mun reina að ná einhverjum myndum þegar veður gengur niður og sæmilegt verður að komast um.

Nú er hvöss Suðvestanátt með mjög dimmum éljum og miklum kviðum.