Frá Gjögri. Munið miðasöluna á laugardaginn.

Forsala miða á árshátíð Félags Árneshreppsbúa verður næstkomandi laugardag 25. febrúar 2017 milli kl. 14:00 og 16:00 í sal Linsklúbbsins Lundar í Auðbrekku 25-27 í Kópavogi.

Miðaverðið er í mat og á dansleik 8.500,- en miðaverð aðeins á dansleik er 2.500.- Til að auðvelda borðaskipulag og uppgjör þá þurfum við að fá nöfn allra sem panta sér sæti og kaupa miða. Það er því sniðugt fyrir þá sem koma til að versla miða og panta sæti fyrir marga að undirbúa sig aðeins með nöfnin áður. Þeim sem ekki komast á forsöluna bendum við á að hafa samband við einhvern í stjórninni með óskir um miða / sæti á árshátíðina. Miða skal greiða inn á reikning félagsins fyrir 1. mars (sjá upplýsingar í fréttabréfi) og bíða þeir þá merktir við komu á árshátíðina. Að sjálfsögðu erum við alltaf liðleg vegna óvæntra breytinga og er þá nóg að snúa sér til einhvers í stjórninni. Hér er svo hægt að nálgast Fréttabréf Félags Árneshreppsbúa, 29. árgang, 1. tölublað árið 2017 http://tinyurl.com/zprbc4m en það fór í póst til skráðra félaga síðdegis í fyrradag. Sjáumst hress í forsölunni á laugardag. Skemmtinefnd Félags Árneshreppsbúa í Reykjavík.