Mynd nú um kl 12:30,séð í VNV frá Litlu-Ávík í átt til Krossness,sést í Túnnesið við Ávíkina.

Nú er snjókoma á Ströndum og mikið dimmviðri sjó hefur gengið mikið upp.
Ekkert lát virðist vera á kulda og snjókomu og eða éljum í framtíðaspá Veðurstofu Íslands.
Veðurspá fyrir Strandir og Norðurland vestra:
Norðaustan 10-15 m/s og snjókoma eða él, en dregur úr vindi og ofankomu seint í kvöld. Norðaustan 5-10 og stöku él á morgun. Frost 0 til 5 stig.
Veðurhorfur á landinu næstu daga

Á sunnudag:
Norðaustan 8-13 m/s og snjókoma með köflum N- og A-lands, en annars léttskýjað. Frost 0 til 8 stig, mest í innsveitum.
Á mánudag, þriðjudag, miðvikudag og fimmtudag:
Norðan- og norðaustanátt, víða 8-13 m/s él eða dálítil snjókoma, en bjart með köflum S- og V-lands. Frost yfirleitt 1 til 10 stig, minnst við S-ströndina.