Straumar eru verkefni sem er ætlað listafólki á aldrinum 20-35 ára, ættuðu af Vestfjörðum. Tilgangur verkefnisins er að bjóða ungu listafólki sem hefur flust burt að koma aftur heim og fremja eða sýna list sína á heimaslóðum.

Vonast er til þess að til verði hópur listafólks úr ólíkum listgreinum sem eigi samtal og hugsanlega samvinnu um listgjörning sem verði fluttur á Vestfjörðum og jafnvel víðar. Tilgangurinn er ekki að telja listafólkið á að flytja aftur heim, en hins vegar gæti verið afar áhugavert að sjá túlkun þess á hugtakinu heim. Hvernig speglast uppruninn í verkum listafólks? Hvaða máli skiptir hvaðan fólk kemur?

Opnað hefur verið fyrir umsóknir á www.vestfirdir.is/straumar. Umsóknarfrestur er til miðnættis sunnudaginn 24. september.

Nánari upplýsingar:

Skúli Gautason

menningarfulltrúi Vestfjarða

Þróunarsetrinu, 510 Hólmavík

s. 896 8412