Sauðburður stendur nú sem hæðst í Árneshreppi sem og víðar á landinu og kuldakastið búið í bili allavega.
Stundum kemur smá hlé á vöktum í fjarhúsunum,eins og ærnar fari í verkfall.

Þá er farið og fylgst með netmiðlum eða öðru og jafnvel skrifuð ein frétt eða svo á milli,eða frívaktin notuð í það.

Nú á dögunum fæddist þessi fallegi lambhrútur í Litlu-Ávík og hlaut hann nafnið Skuggi og er þetta eina mislita lambið enn sem komið er.

Meðfylgjandi myndir voru teknar nú í dag af Skugga og Snata og á hinni myndinni er Skuggi með hundinum Sponsu.