Jón G. Guðjónsson | sunnudagurinn 25. júlí 2010 Prenta

Mikil umferð í Ferðafélagshúsið í Norðurfirði og tjaldstæðið.

Valgeirsstaðir hús Ferðafélags Íslands í Norðurfirði.
Valgeirsstaðir hús Ferðafélags Íslands í Norðurfirði.
1 af 2

Mikið hefur verið um að vera í húsi Ferðafélags Íslands Valgeirsstöðum í Norðurfirði í sumar.
"Að sögn Helgu Garðarsdóttur skálavarðar hafa stórir sem stærri hópar komið,farið í gönguferðir í nágrenninu eða farið með bátnum Sædísi norður á Strandir,en haft bækistöð í sæluhúsinu í Norðurfirði.
Einnig var stórt ættarmót á síðustu helgi og þessa helgi er stór hópur á ferð.
Ennfremur segir Helga skálavörður að oftast sé fullt á tjaldstæðinu."
Í sumar voru settir upp rafmagnstenglar á tjaldstæðið fyrir fellihýsi og hjólhýsi sem þykir vinsælt til að kynda húsin hlaða rafgeyma og síma og tölvur.
Sæluhús FÍ í Norðurfirði nefnist Valgeirsstaðir og er gamalt íbúðarhús í góðu standi. Það stendur við botn Norðurfjarðar, rétt ofan við fallega sandfjöru.

Í húsinu er veiturafmagn og það er hitað upp með rafmagni. Húsið er tvær hæðir. Á efri hæð eru fjögur svefnherbergi sem rúma frá einum og upp í fjóra gesti. Á neðri hæð eru fjögur herbergi sem taka frá þremur upp í sex gesti. Samtals tekur húsið 20 manns. Þar er einnig borðstofa og velbúið eldhús. Í eldhúsinu er heitt og kalt vatn, rafmagnseldavél með ofni, örbylgjuofn og allur borðbúnaður. Í húsinu er sturta og tvö salerni. Í 10 mínútna göngufæri frá húsinu er verslun og sundlaug er á Krossnesi, ekki ýkja langt í burtu.

Fjölmargar spennandi gönguleiðir um stórbrotið land eru í nágrenninu. Má þar nefna göngu á Töflu, Kálfatinda, Munaðarnesfjall og Krossnesfjall. Einnig eru hægt að fara í lengri gönguferðir, s.s. yfir í Ingólfsfjörð og kringum Strút. Ekki má gleyma töfraheimi fjörunnar. Þar er að sjá tröllasmíð eins og Tröllahlaða og Bergið. Einnig er þar Gvendarsæti sem Guðmundur góði biskup sat í er hann vígði Urðirnar í Norðurfirði.

Athugasemdir

Atburðir

« 2021 »
« ágúst »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Úr myndasafni

  • Smábátahöfnin Norðurfirði-06-07-2004.
  • Kristján Albertsson bóndi Melum II.
  • Drangaskörð 18-04-2008.
  • Ásdís Thoroddsen bílstjóri og fararstjóri ásamt 11 erlendum ferðamönnum og Sigursteini í Litlu-Ávík.07-07-2011.
  • Við Litlu-Ávík 15-03-2005.
Vefumsjón