Fleiri fréttir

Jón G. Guðjónsson | fimmtudagurinn 27. maí 2010 Prenta

Myndlistarsýning í Gamla kaupfélaginu ( Gramverslun) á Þingeyri.

Listafólkið sem stendur að sýningunni.
Listafólkið sem stendur að sýningunni.

Sýningin  Lýðveldið á eyrinni  opnar  laugardaginn 29. maí kl. 14 í húsnæði Gamla kaupfélagsins á Þingeyri, en það er eitt af elstu verslunarhúsum landsins byggt árið 1874.

Sýningin er hluti af  stórum sýningargjörningi Kvennabraggans sem er hópur átta listamanna. Umfjöllunarefnið er sótt í ólíka afkima hins íslenska lýðveldis, tengsl okkar við menningu, náttúru og ólíkt rými sýningarstaðanna, sem gjarnan tengjast atvinnusögu þjóðarinnar.

Hópurinn hefur gert víðreist og sýnt í óhefðbundnu sýningarhúsnæði svo sem í hlöðu við Mývatn, í yfirgefnum verbúðum í Ingólfsfirði á Ströndum og í húsnæði gömlu ullarverksmiðjunnar  að Álafossi.  Sýningarnar standa í flestum tilfellum  aðeins yfir eina helgi og hafa því yfir sér blæ gjörnings og  því má líkja listamönnunum við farandverkamenn sem stoppa stutt á hverjum stað í stöðugri leit að nýjum verkefnum.

 

Upphaf samstarfs listamannanna má rekja til sýningarinnar ,,Lýðveldið Ísland" sem haldin var í Þrúðvangi, Álafosskvosinni árið 2004 og tileinkuð var 60 ára afmæli íslenska lýðveldisins.

Á laugardaginn verður boðið upp á léttar veitingar og harmonikkuleik  og á sunnudag verður hægt að fylgjast með listamönnunum við vinnu sína. Allir eru boðnir velkomnir.

Sýningarverkefnið hlaut styrk frá  Menningarráði Vestfjarða.

Opið er frá 29.maí og 30.maí 2010 á milli klukkan 14:00 til 18:00 báða dagana. 

 

Listamennirnir sem sýna eru:

Anna Jóa, Bryndís Jónsdóttir,Guðbjörg Lind Jónsdóttir, HildurMargrétardóttir,

HlífÁsgrímsdóttir, Kristín Geirsdóttir, Kristín Jónsdóttir frá Munkaþverá, Ólöf Oddgeirsdóttir

Athugasemdir

Atburðir

« 2024 »
« Júlí »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Úr myndasafni

  • 21-09-2022.Borgarísjaki CA. 10 KM. NNA af Reykjaneshyrnu, eða CA. 15 KM. Austur af Sæluskeri. Virðist strandaður.
  • Jánið að mestu komið á að SA verðu,03-12-2008.
  • Ísjakinn 28-09-2017.
  • Agnes ÍS kominn með allann flotann í tog og siglir fyrir Nestangann.
Vefumsjón