Frá snjómokstri. Myndasafn.

Frá og með morgundeginum verður vegurinn opnaður tvisvar sinnum í viku norður í Árneshrepp. „Að sögn Jóns Harðar Elíassonar rekstrarstjóra Vegagerðarinnar á Hólmavík verður mokað á þriðjudögum og á föstudögum ef veður og snjóalög leifa.“ Vegurinn norður hefur verið mikið til jeppafær í vetur, og stundum hefur verið mokað af Vegagerðinni þrátt fyrir þessa G- reglu, að eigi ekki að moka fyrr en eftir 20. mars, því mjög snjólétt hefur verið í vetur.

Veðurspáin frá Veðurstofu Íslands fyrir Strandir og Norðurland vestra er ekki slæm. Austan og norðaustan 10-15 m/s og dálítil él, en hægari og yfirleitt þurrt og bjart í innsveitum. Mun hægari á morgun og léttskýjað að mestu, en stöku él annað kvöld. Hiti kringum frostmark í dag, en frost 0 til 7 stig á morgun. Mun kaldara í innsveitum yfir nóttina.