Nú í síðustu viku var lagt nýtt malarslitlagsefni á flugbrautina á Gjögurflugvelli.Mölin sem er hörpuð aðeins leirkend var lögð með sérstakri útlagningarvél,sem einnig er notuð við að sandbera ef hálka myndast á flugbraut.
Lagt var yfir brautina um þriggja til fjögurra cm lag og það síðan valtrað og þjappast þetta efni þá mjög vel.
"Að sögn Guðbjörns Charlessonar umdæmisstjóra flugvalla á vestfjörðum eyðist alltaf smátt og smátt fína lagið á þessum malarflugbrautum bæði í snjómokstri og veðrast burt,og þarf því helst að leggja nýtt slitlag á tveggja til þriggja ára fresti."
Flugvallarvörður við Gjögurflugvöll er Sveindís Guðfinnsdóttir á Kjörvogi.