Fleiri fréttir

| miðvikudagurinn 3. mars 2010 Prenta

Skemmtilegt skólaferðalag

Lagt í hann! Kári, Ásta og Júlíana á Gjögri.
Lagt í hann! Kári, Ásta og Júlíana á Gjögri.
1 af 5
Krakkarnir í Finnbogastaðaskóla fóru í vel lukkað og skemmtilegt skólaferðalag nú í vikunni. Leiðin lá til Reykjavíkur og á tveimur dögum voru þau mjög athafnasöm: Skruppu í skautahöllina og bókamarkaðinn í Perlunni, þar sem þau skoðuðu líka hina stórkostlegu sögusýningu. Þá gæddu þau sér á veitingum á Hamborgarabúllunni og Lækjarbrekku, en hápunkturinn var leikhúsferð að sjá Oliver í Þjóðleikhúsinu.

Bókin um Óliver Twist hefur verið morgunlesning í Finnbogastaðaskóla síðustu mánuði og krakkarnir þekktu því söguna vel og lifðu sig inn í sýninguna. Það var svo til að kóróna frábæra heimsókn í leikhús allra landsmanna að þau fengu að kíkja bak við tjöldin áður en sýningin hófst.

Upphaflega stóð til að skólaferðalagið stæði í 4 daga, en þar sem flug frestaðist vegna veðurs varð ferðalagið styttra. Þau misstu þannig af heimsókn í sjónvarpshúsið, en þar var þeim boðið að vera við útsendingu á Útsvari, skemmtiþætti ársins. En þó krakkarnir hafi misst af því núna ætlar sjónvarpsfólk að taka vel á móti þeim næst.

Athugasemdir

Atburðir

« 2021 »
« Mars »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Úr myndasafni

  • Íshrafl í Ávíkinni 28-12-2001.
  • Borgarísjaki ca 12 km NNA af Litlu-Ávík og 6 km A af Sæluskeri.
Veðurstofan setti inn píluna þar sem jakinn er.
  • Kaupfélagshúsin og Íbúðir á Norðurfirði-06-07-2004.
  • Dregið upp.
  • Grafið fyrir kapli,Orkubúsmenn leggja kapal og tengja ljóastaur.13-11-08.
Vefumsjón