Árneskirkja.

Tónlistarmessa í Árneskirkju sunnudaginn 20. júní kl. 14.

Vígt verður nýtt veglegt orgel sem hjónin Ágúst Herbert Guðmundsson og Guðrún Gísladóttir á Akureyri gáfu Árneskirkju. Orgelið er af gerðinni Viscount Prestige 80 með þremur hljómborðum og fótpetal. Ágúst lést úr MND sjúkdómnum í janúar síðastliðnum.

Allir sem fram koma eru fyrsta klassa tónlistarmenn. Mun Guðmundur H. Guðjónsson leika á orgelið á tónleikunum en hann er faðir Ágústar og ættaður frá Kjörvogi. Védís Guðmundsdóttir flautuleikari er dóttir Guðmundar H. Guðjónssonar. Aðrir flytjendur eru Guðný Guðmundsdóttir, fiðluleikari, Gunnar Kvaran, sellóleikari og Gissur Páll Gissurarson, tenór.

Stefnt er að því að tónleikar af þessu kaliberi verði árlegur viðburður í Árneskirkju.

Aðgangur er ókeypis.