Norðanveðrið skall á um hádegið.

Nú er norðanáttin skollin á hér á Ströndum,alveg eftir spá Veðurstofunnar í morgun,að norðanáttin mundi skella á um hádegi,en seinna en spáin sagði til um í gær. Á veðurstöðinni í Litlu-Ávík var komin norðan 17 til 20 m/s á hádegi með snjókomu. Flugi hefur að sjálfsögðu verið aflýst á Gjögur.

Veðurspá frá Veðurstofu Íslands fyrir Strandir og Norðurland vestra í dag og á morgun: Fremur hæg suðlæg átt og stöku él, en norðan 15-23 á Ströndum með snjókomu. Víða norðan og norðvestan 15-23 seint í dag og snjókoma. Norðan 8-13 á morgun og él. Hiti kringum frostmark í dag, síðan frost 1 til 6 stig.