Fleiri fréttir

Jón G. Guðjónsson | þriðjudagurinn 5. mars 2013 Prenta

Vikan hjá Lögreglunni á Vestfjörðum 25.feb til 3 mars 2013.

Tveir ökumenn voru kærðir í liðinni viku fyrir að aka yfir leyfilegum hámarkshraða.
Tveir ökumenn voru kærðir í liðinni viku fyrir að aka yfir leyfilegum hámarkshraða.
Snemma morguns þann 3. mars,eða rúmlega kl.07:00,barst lögreglunni tilkynning um að maður væri að valda skemmdum á bifreiðum sem stóðu á bifreiðastæði við sjúkrahúsið á Ísafirði. Í framhaldi útkallsins handtók lögreglan ungan karlmann sem hafði verið á hlaupum í bænum,berfættur og ölvaður. Maðurinn var færður í fangaklefa þar sem hann var látinn sofa úr sér vímuna. Lýsing á manninum sem olli skemmdunum passaði við umræddan mann. Hann var yfirheyrður þegar af honum rann víman og viðurkenndi hann að hafa valdið skemmdum á nokkrum bifreiðum sem stóðu mannlausar við sjúkrahúsið.

Tilkynnt var um þrjú umferðaróhöpp í vikunni. Eitt þeirra varð þegar bifreið lenti út af veginum við Arnarnes þann 26. febrúar. Engin slys urðu á fólki en bifreiðin skemmdist. Þá var bifreið ekið utan í kyrrstæða bifreið á bifreiðastæði á Ísafirði þann 28. febrúar og loks rann bifreið út af veginum í Ísafjarðardjúpi án þess að meiðsl urðu á fólki og tjón var óverulegt. Þetta var að kveldi 3. mars sl.

Tilkynnt var um eitt vinnuslys í liðinni viku. Um var að ræða minniháttar slys í fiskverkun í Ísafjarðarbæ um miðjan dag þann 25. febrúar.

Tveir ökumenn voru kærðir í liðinni viku fyrir að aka yfir leyfilegum hámarkshraða. Tilvikin voru bæði í Skutulsfirði.

Einn ökumaður var kærður fyrir að leggja ólöglega á Ísafirði í liðinni viku,annar fyrir að aka án ökuréttinda og þriðji fyrir að tala í farsíma án þess að nota handfrjálsan búnað.

Athugasemdir

Atburðir

« 2021 »
« Maí »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Úr myndasafni

  • Suðri í miklum ís á austurleið.
  • Platan steypt.01-10-08.
  • Hafísjaki 6 KM vestur af Sæluskeri. 27-08-2018
  • Flatur ísjaki frekar lár sést frá Litlu-Ávík, er um það bil 5 til 6 Km austur af Sæluskeri Og um 20 Km frá landi. 13-06-2018.
Vefumsjón