Umferðin í umdæmi lögreglunnar á Vestfjörðum gekk nokkuð vel í liðinni viku,þó var tilkynnt um þrjú minniháttar umferðaróhöpp, minniháttar skemmdir á ökutækjum og ekki slys á fólki. Fjórir ökumenn voru stöðvaðir vegna hraðaksturs. Talsverð umferð var vestur fyrir liðna helgi vegna hátíðarhalda sjómannadagsins. Skemmtanahald um sjómannadagshelgina fór að mestu vel fram í umdæminu og án teljandi afskipta lögreglu. Margir gestir lögðu leið sína til Patreksfjarðar vegna hátíðarhaldana þar og var dagskrá í gangi frá fimmtudegi og fram á sunnudagskvöld. Aðfaranótt s.l. laugardags var brotist inn í verkfæraskúr við Hótel Bjarkalund í Reykhólasveit, þaðan var stolið talsverðu magni af verkfærum og öðrum verðmætum. Málið er í rannsókn,segir í tilkynningu frá lögreglu.