Umferð í liðinni viku gekk nokkuð vel fyrir sig í umdæminu þrátt fyrir að umferð hafi verið með meira móti,þó voru fjórir ökumenn kærðir fyrir of hraðan akstur innan bæjar á Ísafirði.  Fjögur umferðaróhöpp voru tilkynnt til lögreglu um var að ræða tvö minni háttar óhöpp og litlar skemmdir og síðan tvær bílveltur,önnur á Bíldudalsvegi í Fossfirði og hin á Örlygshafnarvegi í Patreksfirði. Í báðum þessum óhöppum var um erlenda ferðamenn að ræða,en sem betur fer ekki um slys á fólki,en báðar bifreiðar óökuhæfar og fjarlægðar af vettvangi með krana.

Skemmtanahald í umdæminu um liðna helgi fór nokkuð vel fram og án teljandi afskipta lögreglu.