Tíu ökumenn voru stöðvaðir fyrir of hraðan akstur í umdæmi lögreglunnar á Vestfjörðum í vikunni í nágrenni Ísafjarðar og við Hólmavík. Þá var eitt umferðaróhapp tilkynnt og var um að ræða bílveltu á þjóðvegi nr. 60 við Bæ í Reykhólasveit. Ökumaður var fluttur með sjúkrabifreið á Heilsugæslustöðina í Búðardal til skoðunar og reyndist sem betur fer lítið slösuð. Bifreiðin óökuhæf og flutt af vettvangi með krana. Þrír ökumenn voru kærðir fyrir meinta ölvun við akstur.

Tvær líkamsárásir voru tilkynntar til lögreglu og eru þau mál í rannsókn.

Þá voru skráninga númer tekin af nokkrum ökutækjum vegna vöntunar á tryggingum og skoðun.