Í liðinni viku var einn ökumaður kærður vegna gruns um akstur undir áhrifum ávana og fíkniefna og annar vegna gruns um ölvun við akstur. Þrjú umferðaróhöpp voru tilkynnt til lögreglu í liðinni viku,um var að ræða minni háttar óhöpp og án meiðsla. Skemmtanahald gekk vel fyrir sig og án teljandi afskipta lögreglu, en þorrablót voru haldin á nær öllum þéttbýlisstöðum í umdæminu.

Lögreglan vill koma þeim ábendingum til vegfaranda,sérstaklega akandi,að gæta varúðar við skóla og leikskóla umdæmisins og enn og aftur varðandi mikilvægi endurskynsmerkja fyrir gangandi vegfarendur.