Í vikunni var tilkynnt um þrjú umferðaróhöpp til lögreglunnar á Vestfjörðum. Fimmtudaginn 11.apríl,minniháttar óhapp á Ísafirði,litlar skemmdir á ökutæki. Laugardaginn 13. apríl tilkynnt um tvö óhöpp,það fyrra á Bíldudalsvegi á Hálfdán,þar hafnaði bifreið út fyrir veg,ekki slys á fólki,talsvert eigarnarstjón. Hið síðara á Djúpvegi í Álftafirði,þar hafnaði bifreið út fyrir veg,tjón á bifreið,ekki slys á fólki.  Þessi óhöpp má fyrst og fremst rekja til lélegra akstursskilyrða. Lögregla hvetur ökumenn til að kynna sér aðstæður,færð og veður áður en lagt er í langferð og minnir á upplýsingasíma Vegagerðinnar 1777.

Einn ökumaður var kærður vegna gruns um ölvun við akstur.

Skemmtanahald fór vel nokkuð vel fram í umdæminu um liðna helgi og án teljandi afskipta lögreglu.