Framkvæmdastjórn HVE hefur samþykkt ályktun í tengslum við áform Símans um eflingu Ljósnets á landsbyggðinni. Ályktunin hefur verið send stjórnendum Símans og er svohljóðandi: 
Framkvæmdastjórn HVE fagnar umbótum Símans h.f. á fjarskiptakerfi sínu á þessu ári með átaki í ljósnetstengingu á landsbyggðinni. Að átaki þessu loknu njóta sjö af átta starfsstöðvum Heilbrigðisstofnunar Vesturlands ljósnetstengingar sem er gríðarlegt hagsmunaatriði fyrir stofnun í heilbrigðisþjónustu þar sem vaxandi samskipti fara fram með rafrænum hætt, bæði í læknisfræðilegum og rekstrarlegum tilgangi. Aðeins Hólmavík er undanskilin í þessu sambandi og nýtur ekki jafnræðis. Skorað er á Símann að endurskoða áætlanir sínar og gera ráðstafanir til þess að tengja Hólmavík þessu kerfi þegar á þessu ári. Segir í fréttatilkynningu frá Heilbrigðisstofnun Vesturlands.