Rafmagn fór af bænum Krossnesi hér í Árneshreppi um hálf ellefu í morgun. Línan er sennilega slitin einhversstaðar frá Norðurfirði og að Krossnesi,einnig er þá Fell úti,en þar er ekki búið á vetrum. Óvíst er hvenær hægt verður að gera við,sennilega ekki í dag meðan veður er svona slæmt,en hægari vindur á að vera á morgun um tíma og jafnvel minni úrkoma. Ekki er kalt þar í húsum því þar er hitaveita,eini bærinn hér í Árneshreppi með hitaveitu. Annars er þar móttöku og sendistöðin fyrir sjónvarp RÚV, fyrir Trékyllisvík Mela og Ávíkina. Þar er ljósvél til að keyra inn á stöðina og til ljósa. Þannig að hreppsbúar sem nota sjónvarpssendinguna þaðan ættu að geta horft á sjónvarp RÚV þegar vél er keyrð þar. Einnig datt heimilissíminn þar út í gær,en ágætt GSM samband er þar.