Frá Melarétt í dag.

Réttarbræður koma alltaf í Melrétt þeir Ágúst-Magnús og Gylfi.

Margt var um manninn í Melarétt.

Fé að koma niður af Eyrarhálsi í Melarétt.

« 1 af 4 »

Leitað var nyrðra svæðið í gær og í dag,það er leitað var á föstudag norðan Ófeigsfjarðar og fé sett þar í rétt yfir nóttina,í gær var leitað frá Ófeigsfirði og fjalllendið austan Húsár leitað að Reykjarfarðartagli um Sýrdal og Seljaneshlíð,einnig var leitað svæðið út með Glifsu og Eyrardal að Hvalhamri,síðan var fé rekið yfir Eyrarháls og réttað í Melarétt. Það var Suðvestanátt og kaldi eða allhvasst fyrri daginn og gekk á með skúrum fyrri daginn en úrkomulaust seinni daginn þegar réttað var. Að sögn leitarstjóra smalaðist nokkuð vel miðað við aðstæður en gott skyggni var báða leitardagana. Fé var síðan dregið í dilka í Melarétt og rekið eða keyrt á vögnum á þá bæi sem áttu féið og lömb vigtuð.